COA IGREXA ATA NA SOPA

Meus fillos, atopastes xa un camiño de luz para chegar a Deus ou aínda andades sen rumbo pola vida? Se o voso caso é o segundo, non vos preocupedes porque a Conferencia Episcopal Alemana tivo a iniciativa de facernos chegar a mensaxe (nunca mellor dito) do Señor a través do teléfono móbil.

Pois si, os cristiáns alemáns tiraron a casa pola ventá e durante a Coresma van enviar sms bíblicos. Do 1 de marzo ao 16 de abril os teutóns poderán "disfrutar" dos pasaxes da Biblia sen ter que mover un dedo.
Xa vedes, estes católicos, que cando lles dá por modernizarse sonvos a hostia. Pero eu teño unha proposición mellor. Isto debería estenderse a todo o mundo e as misas poderían facerse vía sms, aforrándolle a esa pobre xentiña enganada o madrugón de tódolos domingos para ir á Igrexa. E en lugar de pan para comulgar, podían enviar un emoticono. Para o do viño o ideal sería facer un mítico "pásalo" que dixera o seguinte:"Este domingo gran botellón. Imos beber ata o sangue de Cristo".
Ademais esta medida tamén favorecería as convocatorias de manifestacións destas nas que collen 30 persoas por metro cadrado. Sería máis fácil avisar aos que participasen, porque os que van os domingos á misa normalmente son os mesmos que despois saen á rúa a berrar contra o avó de non sei quen.
En fin, meus que Deus nos pille confesados, e se non o estades enviade un sms coa palabra queroiróceo ao Lc, 20-39.

GRAZAS FLOREN

Como di o refrán, as obras quedan e as xentes vanse. Florentino Pérez marcha do Madrid nun momento que parece o peor para facelo e de xeito moi pouco valente, aínda que se serve para que os xogadores reaccionen a min paréceme correcta a súa decisión.

Florentino marcha de mala maneira pero cando teñamos perspectiva histórica todos lembrarémolo como un gran presidente. Ninguén é perfecto e os seus erros na parcela deportiva non poden ensombrecer por completo o resto do seu magnífico labor. Foise un gran madridista. Nós estarémoslle sempre agradecidos por todo o que fixo, incluso por saber retirarse a tempo.

QUE TREMA HIGHBURY!!!!